انا مصـــــرى وبأفتخــر ان دى ارضـــنا ــ كلمـــات الفيلسـوف الشــاعر

انا مصـــــرى وبأفتخــر ان دى ارضـــنا

كلمـــات الفيلسـوف الشــاعر

*****************

انا مصــــــرى
اسمى احمــد او اسمى جــــورج
مش هيه دى المشكـــله ؟
عايشـين دايـــــــما حبــــــــايب
ليه بقـى عايزين تعملـــوها معضلـــه !

*****************
انا مصــــــرى
وكان لى زميل اسمه مايكل فى المدرسة
كان ياكل معايا نفــــس السندوتــــــش
واروح لعنده البيت آكل اى حاجه
ولو ماكانــــــــش فيه الا بيــــض ومـــش

*****************
انا مصــــــرى
كنت باروح الكنيســــــة
لاجل احضر فرح ميشــيل اخـــــــوه
وما حدش يعرف يفرق ولا يقــدر يفرق بيننا
ما احنا دايما مع بعض زى الاخ واخـــــوه

*****************
انا مصــــــرى
ولما يكــون عندى حــــالة وفـــــــاه
الاقيــه يحضــر ويســـمع القــرآن
والشيخ بيقــرا ويســــبح المولـى فى عـــلاه
وبكل حـزن يطبطب على كتفى لما اقــول الاه

*****************
انا مصــــــرى
مســلم او نصــرانى ايــد واحــده من زمــان
وكمــان دى بلــدنا وارضنـــا
وعايشــين مع بعـــــض وحاســين بالامـــان
ولســاننا دايما يصلى على النبـى
وبنحب بعض ونحمد ربنـــــا

*****************
انا مصــــــرى
سـواء كنت فى ســينا او اســوان
نمــوت لاجل نفدى بلدنا ونصــون عرضــنا
وبنقــرأ فى الانجيــــــل والقــــرآن
وترابهــا حنه .. لكنــه بارود للـى يمســنا
انا مصـــــرى وبأفتخــر ان دى ارضـــنا

*****************

ولا يزال الصبــــــــى يضعها حبيبــــته فى مقلتيه ،
  ولا يرى فى الكـــــــون باســـــــره غــــــــيرها ...؟

ارجو ان تعجبكم كلمـاتى ، ولكم عاطـر تحيـاتى

كلمات الفيلسوف الشاعر

تعالــى يا صبيــــــه ونـــورى قناديـــلك ــ كلمــات الفيلســوف الشــاعر

تعالــى يا صبيــــــه ونـــورى قناديـــلك

 كلمــات الفيلســوف الشــاعر



&&&&&&&&&&





انا ابن النيـل فتـى أســمر
وبيجــرى فى عروقـى سكــر
وبصــوت مبحـوح يامصــر
عمال اناديـــلك
تعالــى هنا يا صبيـــة
وأفرشــى لى مناديــلك
 
&&&&&&&&&&


انا ابن النيـل فتـى أســمر
وتعالــى فى حضـــنى
لاجـــل احكـــيلك
عن صــبى عشــق ترابك
وشــرب من نيــلك

&&&&&&&&&&


انا ابن النيـل فتـى أســمر
وماســـك مزمــار باعزف
وبدنــدن مواويــلك
وبحكــى ليـــكى حكايات
ويســـهرك ليــلك

&&&&&&&&&&


انا ابن النيـل فتـى أســمر
ويفضــفض وعمــرة ماقال آه
ولا حتى يشتكيــلك
صبــــــر ولا ايــــــوب
وكحــل بالصبر عيونـــك

&&&&&&&&&&


انا ابن النيـل فتـى أســمر
عمــره ســبع الاف ســـــــنه
ولا عمـــــــــره فى يــوم يروح
بعـــيد عنك ويخونـــك
ده اتربــى على ارضــك
وشـــرب من نيــــلك
 
&&&&&&&&&&




انا ابن النيـل فتـى أســمر
خـــلاص ها أتغـــير
وأمحـــى ضــلام ليــلك
تعالـــى يا صبيــــه
ونــورى قنــاديـــلك

&&&&&&&&&&



ولا يزال الصبــــــــى يضعها حبيبــــته فى مقلتيه ،
  ولا يرى فى الكـــــــون باســـــــره غــــــــيرها ...؟

ارجو ان تعجبكم كلمـاتى ، ولكم عاطـر تحيـاتى

علشـــــان حبيتـــــك . . . ؟ كلمات الفيلسوف الشاعر

علشـــــان حبيتـــــك . . . ؟

*******************
علشـان حبيتـك  . . هاعيــش بقـى ســـعيد
ســـــواء كنتـى هنــا جـــنبى ، ولا كنتـى بعـــــــيد

علشـان حبيتـك  . . بقـــيت انــا فرحـــان
و مهما يحصل فى الكون ، عمرى ما اكون زعلان

علشـان حبيتـك . .  حطـيت القمـر فـ ايديــه
وطبعـت صـورتك فى قلبــى وشيلتـك جـوه عينــيه

علشـان حبيتـك . . بقـــت ايامــى عـــيد
وحطـيت على راسى طاقية ، ولبســت  لبـس جديـد

علشـان حبيتـك . . صحــيت قبــل الشــروق
لاجــل تشــوفك عــينيه وأعـــدى بحـور الشــوق

علشـان حبيتـك . . غزلت ليكى من الصبر حبال
ومشــــيت بـلاد كتيرة ، وكمــان عديت ليكــى جبــال

علشـان حبيتـك  . . ســهرت طـول الليـــل
احكـى للنـاس  حكايتــى وأشــيلك على راسى شــيل

علشـان حبيتـك . . بقـيت انســـان جديـــد
فرحــــان ومتفـاءل ببكـــره كأنــى طفـــــــل ولـــيد

علشـان حبيتـك . . جدلـت آهـاتـــى كــلام
وغنيـت مع البلبـل ، وبعــت مع كل نسمــه ســلام


&&&&&&&&&&&&&&&&&&

ارجو ان تعجبكم كلمـاتى ولكم عاطـر تحيـاتى

احنــا كمــان لازم نتغــير ! ؟

احنــا كمــان لازم نتغــير ! ؟

كنت ذاهبــا الى عملــى فى الصبـــاح فرأيت و ياليتنى ما رايت ............؟  فقد رايت احد المخابز وهو يهرب جوالين من الدقيـق المدعم ويضعهما فى تكتــــك خلسة ويذهب بهما الى مكان دون ان يراعى الله تعالى فى تلك الامانة !؟

فان الدولــة مشكورة توفر هذا الدقيق ليصنع منه الارغفة فئة خمس قروش ، فيقوم هو بتهريبها الى مخابز التى تصنع الخبز السياحى ويبيعه باضعاف ثمنه . . . ؟

فشعرت بالخزى والعار لصاحب هذا المخبز الفاسد ، الذى لم يتغير سلوكه حتى الان ، ويقول لى احدهم ان كل صاحب مخبز بلدى يملك مخبز اخر سياحى بحيث يقوم بخبز اقل من ربع الدقيق ويهرب الباقى للمخبز السياحى الذى يملكه ليتكسب على حساب الفقراء من الشعب

واخر يقول لى تم سرقة موتوسيكل له من امام عمله فى وضح النهار، فظل يبحث عنه ولم يجده فاشار له احدهم بان يذهب الى فــــلان !؟ كى يدفع الفدية وياخذه

 ويقول صاحبى ايضا عندما ذهب لهذا المكان المهجور البعيد عن الاعين والذى تحميه مجموعة من قطاع الطريق والبلطجيه ، وجد كما كبيرا من الماكينات المسروقة والتكاتك ، وايضا سيارات لم تقطع لبيعها خرده او قطع غيار وانما لدفع الجزيه والفديـه حتى يعطوها له !!! ؟

ويقول لى اخــر ان هناك بعض المرشحين قام بالفغل بالترويج لنفسه فى انتخابات مجلس الشعب القادمه بالوعد بتوزيع مواد تموينيه وسلع اساسيه فى بعض المناطق الفقيرة والشعبيه ليتم ترشيحه ؟؟؟

وللاسف الناس همها الشاغل لقمة العيش ولا تعرف شـىء عن البرنامج الانتخابى لهذا المرشح سوى ان هذا سيعطى بطاطين ، وذاك سيعطى اجهزه كهربائيه ،وآخر سيعطى موبايلات ورصـــــيد ايضا ، ورابع سيوزع اموالا ............. وهلم جره ؟

فقلت فى نفسى لابـــد ان نتغير نحن ايضا فقد وفقنا الله للقضاء على رؤوس الفساد وندعو الله ان يوفقنا للقضاء على اذيالـــــــه ......!!!


يقول المولى ســــبحانه وتعـــالى
{إن الله لا يغـــير ما بقـــوم حتى يغـــيروا ما بأنفســـهم}

فمعناهُ أنهُ إذا كانَ قومٌ على طاعةِ اللهِ تعالى وكان يُنزِلُ لهم المطرَ ويُنبِتُ لهم النباتَ فما داموا على تلكَ الحالِ اللهُ يتركُهُم على هذهِ الحالِ ولا يُغيرُ اللهُ ما بهم منَ النعمةِ. 

أما إذا كفروا وعصَوْا وطَغَوْا وبَغَوْا واعتدوْا و خالفوا الشَّرعَ وتمادَوْا على البغي والعدوانِ فإن اللهَ يُغيرُ ما بهم منَ النعمةِ إلى الخوفِ والنقصِ من الثمراتِ والأموالِ.

سلسلة : خواطــــر الفيلســـوف الحائــــــر

الاولـــــه . . . فى الغـــــــرام ـ كلمات الفيلسوف الشاعر

الاولــــه ... أأأأأأه  يابلـــــد ؟

***************

الاولــــــه ... طبعا لازم ولابد من التغــيير

والتانيـــه ... ده كــلام مــــــش محتــــاج تفكــير

والتالتـــه ... لاجــل مصر تتقــدم لازم نشتغل بضمــير

***************

الاولــــه ... نتغـــير احنـــــا كمــان

والتانيــه ... يا شـعب قــوم وعلـى فى البنيــان
 
والتالتــه ... مش بس نتكـلم وبعدين نخـــــش ننــام

***************


الاولـــــه ... أأأأأأه عليـــك يابلـــــد

والتانيـــه ... ابكى على الشــهيد اللى مات كمــــد

والتالتـــه ... ابكـى على حالنا اللى صــار مايعجبش احـــد

***************


الاولـــــه ... ياللا ياولـــدى شــد الحيــل

والتانيـــه ... ارمـح واجـرى بخفـة زى الخيـــل

والتالتـــه ... زيـح الهم بعـيد مشوارنا لســه طويـــل
 
***************




ارجو ان تعجبكم كلمــــــاتى ، ولكم عاطـر تحيــــــاتى

كلمات الفيلسوف الشاعر

انا طفـل صغـير..لكن عمرى الــف عــام ـ كلمات الفيلسوف الشاعر

انا طفـل صغـير..لكن عمرى الــف عــام

كلمـــات الفيلســوف الشـــاعر

**********

انا شــفتنى . . .
شـــوية حروف . . . متشــبكه
على نـــار وفحـم ومستكــه
وكمان تــلات حروف . . ماشيه ورا
تايهـــه بعيــد متاخـــره

***********

انا شــفتنى . . .
ورقــه صفــــرا متكســـــره
ومكرمشــه ومتبهــدله . . ومكعـبره
مكتـــوب فيــها يدوب . . . ؟
كلمـه واحــده متفـرقه . . ومتبعـتره
***********

انا شــفتنى . . .
انســان عاقــل حكيم وفيلســوف
ماشــى دايمـــا مطـــاطى
وابــص فى الارض . . . من الكســـوف
ماتقولـش قمـر فى حالة خســوف
***********

انا شــفتنى . . .
طفـل صغـير. .لكن عمرى الــف عــام
شايل همـوم كــتير على ظهـــرى
ومن كـــتر التفكــير . . مش بنــام
وتبص تشوفـنى تقول ده راجل همــام
***********

انا شــفتنى . . .
واقــف قدامــى فى المرايـــــــا
لكن الصورة باهتــه مش واضحــه
تقول كأنــى مش معايـــا . . . ؟
او دى صورة شخص تانى واقــف ورايا
***********

انا شــفتنى . . .
كـام نقطـه على حرف واقفين بعــيد
خايفــين يقــربوا من بعــض . . .
 وكل واحد رغم بعــده واقف سعــيد؟
امتى بقـى نتوحد ويتلم الشمل من جديد... !!
***********


ولا يزال الصبــــــــى يضعها حبيبــــته فى مقلتيه ،
  ولا يرى فى الكـــــــون باســـــــره غــــــــيرها ...؟


ارجو ان تعجبكم كلمــــاتى ولكم عاطـر تحيـــــاتى

يا صبيــه يا أم العيـــون عســـلى ـ كلمات الفيلسوف الشــاعر

 يا صبيــه يا أم العيـــون عســـلى ...
غــنيت ليكــى احلـى مواويــــل

وقلـت كـلام كــتير فى الحب ...
وســهرت تحت شباكك طول الليـــل

******************

 يا صبيــه يا أم العيـــون عســـلى...
حكـيت ليكــى اجمل الاشعـــار

وعينيــك بحـر غويـــط ...
اسـبح واعـوم فيــه مـع التيــــار

******************

 يا صبيــه يا أم العيـــون عســـلى...
انا ابنــك وابــوك وكمــــــان حبيبـك

ليـه تسكــتى على الظلــم ...
اتمردى وقومـى وافتحـــــى قلبــك 

******************


 يا صبيــه يا أم العيـــون عســـلى
خلاص راحت الضــلمة وطلـع النهــار
وجايب شــعاع الشمــس اغزله طرحــه
وبأجـدل ليكــى من الحروف اشــعار

******************

 يا صبيــه يا أم العيـــون عســـلى ...
افتحــى ايديكــى ليه ده انا خيــال

جـاى على حصــان ابيـــض ...
 لاجل ازفـك ياعروسة زفه مش عالبــال


******************

 يا صبيــه يا أم العيـــون عســـلى ...
ضمـينى لصدرك ضمـــه بكل حنــان

وأرويـــنى عســل وسكــر ...
وأعطفـى عليــه ده ان عطشــــان

******************

 يا صبيــه يا أم العيـــون عســـلى ...
قيدى البخــور لاجـل المكان يتعطــر

و تنطرد الشـياطين من عندنا وتغـور بعيد...
وقيدى كمــان مسـك وعود عنبــر

******************

 يا صبيــه يا أم العيـــون عســـلى ...
خلـينى امشى جـوه عروقـــك مع الشراييــن

أعبر جـبال اليــأس والخـوف والظلـم...
وأهتـف باسمك انا مصرى وانت ام المصرييـن

******************

ولا تزال الصبيـــــــــه يضعها حبيبها فى مقلتيه ،
 ولا يرى فى الكون باســـــــــــره غيرها ...؟

*************

ارجو ان تعجبكم كلمـاتى ولكم عاطـر تحيـاتى