27 .أقدم الف الف اعتذارــ كلمات الفيلســــــوف الشاعر

27 .أقدم الف الف اعتذار
كلمات الفيلســــــوف الشاعر
&&&&&&&&&&&&&&&

1
أقدم أعتذارى يا وطن فاننى
أريد ان اعيــــش لكننى 
أشعر بالغربة وأشعر بالدمار
أقدم أعتذارى يا وطن لوجهك الذابل
مثل طفل تائه ومثل شمس آخر النهار
أقدم أعتذارى  لمن مات أو ضاع بالمركب
بالجزيرة فى لحظة انهيار

&&&    &&&    &&&

2
أقدم أعتذارى للناجين
من الموت فى البرلس ورشيد
أقدم لهم الف الف اعتذار
أقدم أعتذارى عن كتابات لم أكتبها
وحمــــاقات لم ارتكبها
حتى لا أوصــــم بعار
أقدم أعتذارى لمن يحاول الكرة
مرة ومرة والف مــــرة
ولمن يكذب بكل أقــــتدار

&&&    &&&    &&&

3
أرسم الوطن جزيرة خضراء
فأنا لست سوى سمكة صغيرة
تطفــــو من خشــــب
أنا لست سوى دمية من قماش
مرســــوم لها عــــينان
ولها شعر من خيوط فلم العجب
فأنا أريد أن أعيش فى ماء عينيك يا وطن
وفى جسدك النقى كالذهب

&&&    &&&    &&&

4
من يساعدنى فى السفر بعيدا جدا
فقد تحولنا لشعب من العميان
من يمد طوق النجاة من الغرق
وينقذ الانسان من وحشية الانسان
أقدم أعــــتذارى يا وطــــن فأنى
أريد أن أعيش أو أموت فكلاهما سيان

&&&    &&&    &&&

أرجـــو أن تعجبكــــــم كلماتى ولكـــم عاطـــــر تحيـــاتى
أقدم الف الف اعــــتذار ــ من ديوان يا أم الطاقـية الشـبيكة
 

26 .بقايــــا وطـــن ــ كلمات الفيلســــــوف الشاعر

26 .بقايــــــــــا وطـــــــــن
كلمات الفيلســــــوف الشاعر
&&&&&&&&&&&&&&&

1
أفتش عن بقايا وطن ممزق
يبحــــث عــــن العنــــوان
مقطع أشلاؤه أربا ضائعا
تنــــاثر هنا وهناك بكل مكان
وحينما نظرت للمرأة أبصرت
وجها غريبا أعجــــمى اللسان

&&&    &&&    &&&

2
صارت كل البلابل معصوبة العينان
ممنــــوعة من الشدو والغــــناء
لا تجيد حتى أن تضرب بالجناحين
أو تطــــير فــــوق الهــــواء
وطن أختفى الرجال بسراديب عميقة
ولم يبــــق فيه ســــوى النســــاء

&&&    &&&    &&&

3
لو تجهمنا أو تشاءمنا قالوا تلك جماعة
ســــرية وأتهمــــوها بالارهاب
رغم أن كلماتى مؤدبة تسير فى الطريق
لكنها سجــــينة حبيسة داخل الابواب
حينما يهطل المطر يتوه الكحل بالمآقى
يــــنزل يســــقط من الاهــــداب

&&&    &&&    &&&

4
ضاعت الارض والهويه ويبس الخبز
وأنكســــر السراج وشبت النيران
وتنازلنا عن العرض فهل سيأتى
صــــلاح الدين أو أبو ســــفيان
متى يأتى حمزه وأفتش عن المعتصم
أم أعــــتدنا الــذل والهــــوان

&&&    &&&    &&&

5
أبحث عن رجــــال فلا أجد الا قططا
تطلع آخر الليل تخاف من الفئران
أذا رفضنا الموت البطــــىء والصمم
والبكم صرنا نتــــهم بعمى الالوان
تزوم النوارس فى زرقة البحر تدافع
عن الانجــــيل وقدسية القــــرآن

&&&    &&&    &&&

6
أذا أقترفنا مهــــنة القرآءة والكتابة
فمحذور التحدث بالدين أو السلطان
وأذا رفضنا نصائح الوزير والخليفة
فهـــل نمد كفنا للذئب والشيـــطان
فأنا مع من ينقذ الانسان من الطغاة
والطغــــيان ووحشــية الانســــان

&&&    &&&    &&&

7
ما دام اليوم صرنا من العالم النائم وقد
صنــــفونا من القــــوارض والذباب
ما دام كل صــــباح يقتلون أطفالى
يذبحــــونهم ويرمونــــهم للكــلاب
أنا أشكو حزنى الى الله الواحد الاحد
الذى بيده الحســــاب والعــــقاب

&&&    &&&    &&&

أرجـــو أن تعجبكـــــــم كلماتى ولكـــم عاطـــــر تحيـــاتى
بقايـــــــــا وطـــــــــن ــ من ديوان يا أم الطاقـية الشـبيكة

25 .حادثـــة مركـبة البرلس ــ كلــمات الفيلســــــوف الشاعر

25 .حادثـــة مركـبة البرلس
كلــمات الفيلســــــوف الشاعر
&&&&&&&&&&&&&&&

1
قالت لى مراتى ياراجل  قوم شوف الراديو بيقول ايه؟
قلت ياشيخــــه كلامهم فاضى ابصر ايه ومدرك ايه
قالت بيقولوا المركب غرقت ف البحر على الشط هناك
اوعى يكون عبد الهادى ابنك منهم وخد بدر وشوقى معاك
قول قمت أطس وشى بشوية ميه وفتحت عينيه وبرقت
لقيت التلفزيون جايب صورة شلة من الناس وفيهم رفعت

&&&    &&&    &&&
2
قالوا حادث لان المركب كانت شايله ناس وبنى آدمين يامه
قمت لبست الجلابية اللى حيلتى وطرت ماتقولش يمامه
ورحت رشيد وكان وياي اخويا عيد وصلنا قبل المغرب
اصله ولاده رضا وعبد التواب كانو راكبين ف نفس المركب
ولما سالنا عليهم قالوا ربنا يســــتر هوه اسم ابنكوا ايه
قلت أسمه عبد الهادى دافع له خمسه وعشرين الف جنيه

&&&    &&&    &&&
3
وجم سعد ورمزى وزغلول وعبد الفتاح كمان ومراته وياه وبناته
وناس كتير كانت مهاجره وسيد أبو كوع رجع وفرحنا بنجاته
ومدام هنا ميت وهناك ميت والواحد عارف انها رحلة موت
وسيد قال انه هيحاول تانى وتانى وحتى لو كان مصيرة الموت
قلت لهم آه يانى طب عبد الهادى اخباره ايه يا جماعة الخير
قالوا من المفقودين ما تخافش ها نذيع اسماءهم ف صباح الخير

&&&    &&&    &&&
4
أصل محمد كانت أمه بتغسل كلية فى الاسبوع تلات مرات
وكان أبوه ميت وهوه لساه صغير وسايبه له أربع أخوات
اما سعيد كان واخد جامعه وشغال على توكتوك هوه وجابر
يصحى يوماتى ف البدريه يشقى ويتعب شاكر ربه وحامد صابر
أما هنيه بتبيع خضره على راس الشارع ومتجوزه عبد الفتاح
سافر لاجل يخف من فيروس سى وبيدعى ربنا هوه الفتاح

&&&    &&&    &&&
5
اما عطيه فكان واخد دبلون ومتعلم قال اسافر لجل اكون نفسى
وأرجع أتجوز البت فاطنه وأفرح واجيب لها كل اللى ف نفسى
لكن موش عارف ليه الواد حسن كان بده يسافر ابن أبويا بركات
علشان موش عايز يفلح فى الارض وداخ على وظيفة سبع دوخات
أما حسين كان عايز بيت بدل العشه الى قاعد فيها هوه واخواته
سافر بلاد الله لخلق الله لكن المركب غرقت وبلغوا أهله بوفاته

&&&    &&&    &&&
6
قوم اتنهدت نفس حار من جوه القلب بيكوى كما التنين وقلت غتونى
ياناس حدش شاف عبد الهادى وياخد كل اللى معايا ان شالله هدومى
قوم رد عليه الواد على ابن امى بهانه وقالى هوه انت حيلتك حاجه
آه يا مسكين دول مصمصوا عظـــمك ونسًٌَُلوا لحمك ماتقلش دجاجه
قلت طب عبد الهادى أبنى مفقود ولا غرقان وضايع ف ملكوت الله
قالوا ماتخافش ان شاء الله شــهيد هوه واللى معاه قول ان شاء الله

&&&    &&&    &&&

أرجـــو أن تعجبكـــــــم كلماتى ولكـــم عاطـــــر تحيـــاتى
حادثة مركـــــبة البرلس ــ من ديوان يا أم الطاقـية الشـبيكة

24.لبيك لاشريك لك لبيك ــ كلمات الفيلســــــوف الشاعر

24.لبيك لاشريك لك لبيك
كلمات الفيلســــــوف الشاعر
&&&&&&&&&&&&&&&

يارب أتيت اليك والهموم قد أثقلت كاهلى والذنوب فعلتها فملات الوديان
لبيك اللهم لبيك قد هللت بها والخوف منك ظاهر يارب قد بان فى العينان
واخذت الهج بالثناء ملبيا ومكبرا يارب وعلا صوت نبض قلبى بالخفقان

&&&    &&&    &&&

الله اكبر لبيك لاشريك لك يارب نقولها والناس تملاء الارض كالطوفان
قد تعروا من لباسهم وقصدوا ارض الحجــاز يلبسون البياض كالاكفان
ورفعوا أكف الضراعة فى خشــــوع يرجون رحمت الله الواحد الديان

&&&    &&&    &&&

وذهبت بخشوع الى المدينة ابتغى بركات وزيارة نبيك المصطفى العدنان
يارب عليك بكل غاشــم متكبر وأذق الظلوم والكذوب مر حرارة النيران
يارب فرج هم كل المسلمين واشدد أزرهم وأعد إليهم بجودك يقظة الإيمان

&&&    &&&    &&&

أرجـــو أن تعجبكـــــــم كلماتى ولكـــم عاطـــــر تحيـــاتى
لبيــك لاشــريك لك لبيك ــ من ديوان يا أم الطاقـية الشـبيكة

23 .يا عايشه أنت نور العين كلمات الفيلســــــوف الشاعر

23 .يا عايشه أنت نور العين
كلمات الفيلســــــوف الشاعر
&&&&&&&&&&&&&&&
1
واحلى صباح لما الشمس تصحى
ف البدريه وبشويش تبوس وشك
وتغزل شــــعاعها الدهبى من رمشك
وتاخد لونها الوردى من خـــــدك
توشوش وتهمـــــس لك باشعار
تقول يا أميره ياورد الربيــــع مين قدك

&&&    &&&    &&&
2
واه يابنتى يا حلـــــوه يانور عينى
ويعلم ربـــــى لما انك لما جيتى
حطيتى التاج على راسى وعلى جبينى
حليتى ايامـــــى كلها يا قلبى
وطلع الصبح وحليتى عمرى وسنينى

&&&    &&&    &&&
3
ولما انطــــق اســـــمك يا عائش
أأقول الله عليكى ياســـــت الكل
ياحلـــــوه يالى عطرت دنيتى ديه
وأيامى كلها بقت فرحـــــه بريحة الفل
وأتأمــــل ملامحـــــك طول اليوم
ويبقى السعد والفرح جانى وهل

&&&    &&&    &&&
4
واحلــــى صباح يا قلــــبى لما تيجينى
وتمسكى ايديه بايديكى الزغنطوطه
وتقولـــــى لى يا بابا وتحكـــــى لى
عن كل اللى جواك ياورده يا توته
وافتكـــــر لما كنت احكـــــى لك
حكـــــايات كتيره ف الحب وحدوته

&&&    &&&    &&&
5
وارسم لك يا عمرى شجرة كبيره
وبســـــاتين فل وورد كتير
والاقى ضحكـــــتك تلعلع فى  الســـــما
وتملى الدنيا بشـــــكل ما لوهــــش نظير
وخصـــــلات شعرك بترفرف زى طياره
ترقص باليه مائى وعليكى أخاف وأغير

&&&    &&&    &&&
6
وآه لما كبرت يا روحـــــى وبقيت
وسط البنات احــــلاهم يا عروسه
بادعـــــى ربنا يحفـــــظك دايما
ويحقق كل احلامك ومن العين محروسه
ياعـــمرى يا كل دنيتـــــى ديـــــه
انت عسل وشــربات ورد وبسبوسه

&&&    &&&    &&&
7
وأحلى صــــباح لما تيجى تاخدينى
يا قــــمرى فى حضنك بلهفه وتضمى
وتغمضى عيونك الحلوه برموشـــــك
الســـــودا يا بنتى يا حياتى يا أمى
وأقرا كل اللى جـــــواك واحزانك
وخوفك لان همـــــك هوه ده همى

&&&    &&&    &&&
8
واغنى لك احلـــــى اشعارى
واجمل معـــــانى وحكاوى فى الحب
واحـــــلى كـــــلام مواويـــــل
والبلبل يغرد على غصنك طول الليل
لاجل يشوف ملامحـــــك الحلوه
يغنى ويهمـــــس لك يا عينى يا ليل

&&&    &&&    &&&
9
فاكــــره لما كـــــنت قلـــــقانه
وخايفه ياقلبى من بكره ومن بعده ؟
وقلت لك تفائـــــلى بربنا خير
ده اللى معاه ربنا ياهنـــــاه يا سعده
ده حســــن الظن بالله احسن الاشياء
ينام قرير العين واللى يرضى ربنا مين قده

&&&    &&&    &&&
10
واحلى صـــباح لما الشمس تصحى
ف البدريه وبشـــــويش تبوس وشك
وتغزل شــــعاعها الدهبى من رمشك
وتاخد لونـــها الوردى من خـــــدك
توشــــوش وتهمـــــس لك باشعار
تقول يا أميره ياورد الربيــــع مين قدك

&&&    &&&    &&&

أرجـــو أن تعجبكــــــم كلماتى ولكـــم عاطـــــر تحيـــاتى
يابــنتى يانـــور عــينى ــ من ديوان يا أم الطاقـية الشـبيكة

4 .حكــــايات ميــمى قصص أطـــــفال للكبار بقلم مجـــدى عيــسى

4 .حكــــايات ميــمى
قصص أطـــــفال للكبار
بقلم مجـــدى عيــسى
&&&&&&&&&&&&&


فات أسبوع وابتديت اتعود على الدوشه بتاعة الناس دى ، وكل ما اكون عايزه حاجه اقعد اعيط واصرخ وهمه بقى يفهموا ، بصراحه ساعات كانو يعرفوا انا عايزه ايه ، وساعات ما يعرفوش ؟!

قوم بقى لقيت حطونى فى حاجه كده وولعوا شمع كتير وجت عيال كتير وقعدوا يلفوا حواليه ، يمكن لعبه جديده بيلعبوها ، وقعدوا يسقفوا ويخبطوا ، وقعدوا يضربوا بعض ويرشوا بعضهم بالملح وهمه بيضحكوا حاجه غريبة البشر دى افعالهم غير متوقعه .

وجت واحده ست قالوا ليه بعد كده انها تيته واقعدت تقولى اسمعى كلام ماما وما تسمعيش كلام بابا ، ليه هوه بابا لسه صغير زيى طيب ازاى ده ساعات لما يشيلنى الاقيه كبير قوى واكبر من ماما حتى ده مره بس فى سركم لقيتوا شايل ماما رغم انها اكبر منى شويه طبعا انتو عارفين .

عرفت بعد كده انهم كانوا عاملين عقيقه علشانى طيب انتو بتفكروا ازاى ياناس ده انا يا دوب باشرب لبن ؟! ها اكل لحمه ازاى ورز اما البشر دول احوالهم عجيبه وتصرفاتهم مش مفهومه خالص ، المهم قعدوا يدعوا لى انى ابقى ذرية صالحه وبنت صالحه وام صالحه واخت صالحه وزوجه صالحه طيب هيه مين صالحه دى ، برضوا ما كنتش فاهمه يعنى ايه بس قلت لما اكبر حابقى اعرف .

طيب استاذن منكم شويه عشان ماما بتنادى عليه وعايزه تغير لى ال ...طبعا انتوا عارفين فكل بنى آدم كده بعد الاكل لازم !!؟ معلهش يا جماعه اصلى بتكسف وبعدين هانام شويه ولما أبقى أصحى حابقى اقول لكم بقية الحكاية اوعوا تمشوا لسه الحكايه فيها مفاجات كتير .

&&&&&   &&&&&   &&&&&

أرجـــو أن تعجبكـم كلماتى ولكـــم عاطـر تحيـاتى
من كتاب حكـايات ميــمى قصص أطــفال للكـــبار

3 .حكــــــايات ميمى قصص أطـــــفال للكبار بقلم مجــدى عيـــسى

3 .حكــــــايات ميمى
قصص أطـــــفال للكبار
بقلم مجــدى عيـــسى
&&&&&&&&&&&&&


ازيكو يا حبايبى عاملين ايه انا النهارده فكرت احكى لكم الحكاية المره دى من اولها ، طيب ليه فى الاول ما رضيتش احكى لكم الحكايه من الاول لانى بصراحه مش فاكره قوى ، عموما انا لقيت نفسى باحلم انى فى مغارة وان الدنيا ضلمه وما فيش حد غيرى وانى لوحدى .

وقعدت افكر واسال نفسى طب الناس راحت فين ؟ اختفوا يمكن انا فى كوكب تانى طيب فين الكوكب الاولانى ؟ وحاجات كتير ما كنتش فاهماها ؟ وبصراحه انا لسه مش فاهمه ؟ لكن بأحاول اتعايش مع الحاله لغاية ما ربنا يسهل وافهم وطبعا ها اقول لكم .

وفى يوم لن انساه ومحفور فى ذاكرتى لانى شفت شخص زيى هوه صحيح مش زيى قوى لانه كان ولد لما قابلت الواد ده وبرضه كان عايش فى مغاره زيى كان عند الدكتور وسالنى اسمك ايه فقلت له اسمه ميمي فقال انت يا ميمى اول ماشفتك كده كأنك أميرة ، فشعرت بالاحراج ده بيعاكس ده ولا ايه ؟ ايه النضج المبكر ده ، وبعدين سالنى شوفت حد تانى فقلت له لأ أنت أول واحد ؟

لقيته ضحكه ضحكه كبيره وقال الله يعنى انا وأنت زى آدم وحوا فقلت له يعنى ايه قال مش عارف ، بس انا سمعت بابا بيقول ان ادم وحوا اول اتنين كانو موجودين عل الارض وانهم كانو بيحبوا بعض ولما سالته يعنى ايه ؟ قال لما تكبرى شويه حاقولك ، انت عندك خمس شهور وانا عندى سبع شهور واكبر منك يوم يعرف عنك بسنه ، هما بيقولوا كدا .

المهم بصراحه يومها حسيت باحساس جديد وحلو انى مش لوحدى فى الدنيا دى ، وان ممكن مع الايام اشوف حد ونبقى كده قد سبعه ولا تمانيه ياسلام حاجه جميله خالص ، وحسيت ان ممكن نعمل لعبه ونلعبها مع بعض مثلا زى الغميضه او لمس الحمام او كوتشينه اوحتى شايب !!!

وبعد شويه سالت نفسى دة انا عبيطه صحيح طيب هوه لما سالنى عن اسمى انا ما سألتوش عن اسمه ليه طيب ياترى اسمه احمد ولا محمد و محمود ولا مصطفى اصل نص الناس بتسمى الاسامى دى عموما انا ها اسميه امير طالما انا اميره يبقى هوه امير .

&&&&&   &&&&&   &&&&&

أرجـــو أن تعجبكـم كلماتى ولكـــم عاطـر تحيـاتى
من كتاب حكـايات ميــمى قصص أطــفال للكـــبار