30 . يا أم كــــف حـــــرير
كلمــــات الفيلســـــوف الشاعر
&&&&&&&&&&&&&&&
1
وياسلام عليك يامريـــــم يا أم الكف حرير
وعيونك الحلوه وبسمتك سكر تخلى قلبى يطير
والنسيم لما يلاعب خصلات شعرك منه بأغير
وخدودك تفاحى وحضــــنك الدافى أحلى سرير
والياسمين ضلل على بابـــك وطارح ورد كتير
2
وآه لما أشوفك يا مريم والقطه بتتمسح فيك وحواليك
وآه لما تبوسـى شعرها وتمسحى على ظهرها بأيديك
والديك يأذن وأرفع ايديه للســـما ربنا يحرسك يخليك
وقلبك الابيـــــض بأدعى ربـــــى يحفظك و يحميك
يســـــعد أيامك كلها وينـــــور ربنا طريقك ويهديك
3
وياسلام عليك يامريم لما تلعبى بعروستك النونو
وتنادى عليك امك لاجل تسرح شــعرك النونو
وتشاورى بايديكى على أبوك بصوابعك النونو
وتجرى تبوسى أبوك وتحضنيه بحضنك النونو
والشهد يبلل خدودى من حلاوة شـفايفك النونو
4
وآه يامريم لما الشوق ياخدنى ليك وانت بعيد
وآخد صورتك ف حضنى أبوسها وأبقى سعيد
وأحط خدى على خدك واحط ايديه فوق الأيد
وأحطك جوه عيونى وأغمضهم وأروح وياك لبعيد
يطول ربنا يا نور عينى ف عمرك ويبقى مديد
5
وياسلام عليك يا مريـم ده انت أحلى كلام مواويل
والدنيا كلها فرحـــــانه وبتغنى آه ياعينى ياليــل
ياصبيه يا أم شعر متموج سلاســـل يابنت النيل
وعلى جبينك نور وحاجبك هـــــلال آه يا جميل
ولما تضحكى كل الخلايق بتفرح وعندى الف دليل
6
وياسلام عليك يامريم و قلتك تشبعنى تروينى
أشرب من كفـــــوفك شهد ميه سلسبيل تسقينى
ورموشك فى عز الحـــــر تحرسنى تحمينى
وف عــــز البرد ايديكـــــى تحضننى تدفينى
أنت الهنا والفرح والسرور كله يا نور عينى
7
وآه يامريم والعيش ف ايديك طعمه أحلى من السكر
ولما الديك يشوفك يطير م الفــرح ويأذن الله اكبر
والفل والريحان طارح عناقــــيد كل يوم يزيد يكبر
ومهما وصفتك ياقلبى عمــــرى ف يوم ماراح أقدر
ولون خدودك بســـاتين فل وياســـمين وورد احمر
8
وحبات القمح فى ارضنا مرصـــوصه فى سنابل
ولما تتمشـى فى وقت عصـــريه وتميلى بتتمايل
والورد كل يوم يجى يخطـــب ودك وموش طايل
والزهر فى الجناين متفتـــح بيتكلـــم عليك قايل
وشعـــرك ورا ضهرك مغزول حـــرير وجدايل
والسمك بيرقص ويلعـــب ف الميه عامل عمايل
9
وياسلام عليك يامريـــــم لما تقومى ساعة فجريه
والندى يبوس خـــــدك وايديك وجبينك بكل حنيه
وتلعبى هنا وهناك فى البيت وكل حته بكل حريه
والعيش طرى والميه عسل أسقينى يا روحى ياعينيه
ده أنت أغلى هديه ونسمه رقيقه مليت عليه دنيتى ديه
10
وآه يا مريم لما تيجـــى تقولى يا حـــبيبى وتضمى
وآخدك بين دراعاتى ده انت بنتى وحـــبيبتى وامى
ده ف عروقك بيجرى نهر الحـــب والخير من دمى
ده أنا على طول هافضل شايل همك وانت شايله همى
وأخبيك من الحساد بين الضلوع وجوه العين والنينى
&&& &&& &&&
أرجـــو أن تعجبكـــم كلماتى ولكم عاطــر تحيـــاتى
يا أم كــــف حـــرير ــ من ديوان عندما بكى القمـر
