طرقــــــــــع طراقيـــــــــع ـ كلمات الفيلسوف الشاعر

طرقـــــــع طراقيـــــــع

*******

طرقع طراقـيع
... فرقع فراقـــيع
استرها يارب ده الوضع فظيـع

*******
طلع الجنى من قلب فانوس
قال ياجماعه انتم فى كابوس
دولة ثوار مش طوب ولا ناموس

*******

ومهما يكون بلطجه وفلول
احنا وراهم كده على طول
ومافيش حد عبيط او مسطول

*******
ولو فاكر نفسه لساه موجود
والحزب اياه بيرعى ولا الدود
ربنا قادر ينصرنا هو المعبود

*******
بنقولك اهوه مش اسفين
بتلف وتدور برضو على مين
وهانقطع لك ديلك حالفين الف يمين

*******
شفت ياتعلب مكار
ليلك هايطول.. ومالهوش نهار
ربك منتقم .. هو الجبار

*******
وشك مغشوش
ياملك مكشوش
وحصان منكوش

*******
يا اهبل يا عبيط
بطل تنطيــط
وشيلنا اسمك من ع الحيط

*******
شبابنا واقفين فى قلب ميدان
وانت واعوانك خلف الجدران
مهما غنيت يالا لا لى امــان

*******
مانتــش مكسوف
ولا وش كســـوف
ده انت مرعوب..وهاتموت من الخوف

*****
طرقـــع طراقـيع
فرقع فراقـــيع
استرها يارب ده الوضع فظيـع

 

كلمات الفيلسوف الشاعر