حلـــــوه ومعجــــــبانيه
كلمات الفيلسوف الشاعر
&&&&&&&&&&&
لما اشـــــوفك قلبى يفرح
وكل يوم يزيد حبك شوية
سواء كنت شابه سمرا
او بيضا ها احطك ف قلبى
وكمان جوه ف عيــــــنيه
والليل لما يجــــــى
آخدك ف حضــــــنى
وبين ضــــــلوعى
واقفــــــــل عليك
برمــــــوش عينيه
ولما اسافر بره ارضك
صورتك ف قلبى يا بهيه
ابدر الحب ف الارض تقاوى
واغنى لك احلى غناوى
م الصــــــبح للمغربيه
مصر يا أحـــــلى صبيه
وحجابك فوق راسك يزينك
عمر ما حـد ف الكون
يقدر يهــــــــــينك
لانك عفيــــــفة وأبيه
والشمس تاج فوق جبينك
والمراكب تتمخطـــــر فى نيلك
تزفك يا عروسة لعريسك
والسواد يمشى بعيـــــد
والخـــــير يكتر يزيـــــد
والموج يرقص فوق ميه
وابتســـــامتك ..هيه هيه
انت امــــــى وابويـــــا
واخــتى وكمان اخويـــــا
والحمام متحنى عمال يرفرف
او قاعــــــد جوه غـــــيه
بيســــــبح بحمـــــد ربه
ويدعى لك يا صــــــبيه
هيلا هيلا شــــــدى حيلك
وابعت لك سلامى من دوله
ودوله والصحــــــبة ديه
لجل توصلى بر السلامه
يا مصر يا معجـــــــبانيه
&&&&&&&&&&&&&&&&&&
ارجو ان تعجبكـــم كلماتى ولكم عاطــــر تحياتى
حلـــــوه ومعجــــــبانيه من ديوان همس الكلمات
ليست هناك تعليقات:
إرسال تعليق