ســـــــيناء متوضية!!
كلمات الفيلسوف الشاعر
&&&&&&&&&&&&
الف سلامه
عليكوا ياولادى
لما الراديـــــو
قال لى ده مات
انهى حـــــياته
لما الخونه ضربوه
برصـــــاص الغدر
تلات رصاصــات ...
الف سلامه
عليكوا ياولادى
وصوته الدافى
وهـــــوه بيلفــظ
اخر انفاســــه
تحول لسكات
ونور الشمس ولى
وجت الضلمه
والعتــــمات
قتلوا الفرحه
واترملت الستات ...
الف سلامه
عليكوا ياولادى
وسينا لساها
متوضـــــيه
لكن الدم ســـاح
ف الطـــــرقات
والحزن زاد وغطى
وانطفت الفرحة
والبســــمات ...
الف سلامه
عليكوا ياولادى
بتقتلوا ف بعض
زى هابيـــــل
واخـــــوه قابيل
هوه التعلـــــب
عدى وفـــــات ؟
وكل خسيس
خاين مجـــــرم
نمشى وراه !!؟
هنبقى ف شتات ...
الف سلامه
عليكوا ياولادى
وبحر الدم زاد
والانتهاكـــــات
بدل ما نعمرها
نخــــــرب فيها
كفاية كلام وحكايات
لازم نتواصل ونتحاور
بالعقل والمنطق
كفاية فرقه وشعارات
*************
ســـــــيناء متوضية
كلمات الفيلسوف الشاعر
ليست هناك تعليقات:
إرسال تعليق