39 .كانت ايـــــام حــــــلوه
كلمات الفيلســــــوف الشاعر
&&&&&&&&&&&&&&&
1
والله كانت ايامها ايام حـــــــلوه ياناس
لما كنا ف المدرســــه نكتب القطعه
عشــــــر مرات أو اكتر ف الكراس
وكنا نحفظ المنهج م الجلده للجلده جوه الراس
&&& &&& &&&
2
ماكانش معانا هواتف محموله ولا دى أوهام
كنا نذاكر ولما النور يقطع طوالى نخش ننام
كنا نجرى ورا الفراشات ونعد نجــــوم الليل
ونضحك نضحك ونشـــبع م الاحـــــــلام
&&& &&& &&&
3
ونقســـم ويا أصحابنا اللقـــــــمه والمصروف
وينزاح الهم لما نحكى كل حكاوينا والاسرار
كنا نشاور بأيدينا للطياره ونحيى الشرطه بهيبه ووقار
كنا نحترم العشره وكبير الســـــــن وسابع جار
&&& &&& &&&
4
كنا نروح المدرسه مشى على رجلينا ف عز الاياله
كنا صـــــــغار ف السن لكن كنا عيال رجاله
ولا فيش درس خصوصى و لا سنتر ولا ملازم
ولا كنا بنتأزم ولا ننـــــــهار ولا تلك الحـــــــاله
&&& &&& &&&
5
دلوقتى تلاقيه واد فرفور عامل راســـــــه كنيش
عمره يادوب كـــــــام سنه وعنده اى فون اه يا زمان
وكمان اى باد ويشكى الملل والهم وعايش زعلان
وكنت وقتها أملى بقى بالميه وأغرغـــــر وأنا فرحان
&&& &&& &&&
6
كنا ناخد مصروف ف الاسبوع خمسه قروش
كانت اسمها شلن ونص فرنك يعنى قرشين صاغ
وياســـــــلام للواد اللى ابوه يديله عشره قروش
يبقى امير ويلبس قفطان ويحط على راسه طربوش
&&& &&& &&&
7
ولما كبرنا شـــــــويه عرفنا ان عدونا هوه صهيون
ويا ويله اللى يفرط ف تراب أرضـــــــه ولا يخون
وزى ما قال ابويا سويلم كنا رجاله ووقفنا وقفة رجاله
وبكره يا أقصى هاترجع تانى وترفعى راسك يا فلسطين
&&& &&& &&&
8
كنا ف رمضـــــــان واحنا بنصلى ف التراويح
افواج رايحه وجايه تصلى ويا جبل ما يهزك ريح
كان قلبنا واحد وربنا واحد مافيش فرق بين ميكل وياسين
ندعى ربنا ونرفع يدنا يزيل الغمه بصوت مبحوح
&&& &&& &&&
9
والله كانت فعـــــــلا ايامها ايام حلـــوه ياناس
لما كنا نحى العلم الصبح ف البدريه بعلو الصوت
ونساعد كبير السن والمحتاج ونحترم للاســتاذ
نحب الخير للغير وقبل مايســـــموا الشمام اناناس
&&& &&& &&&
أرجـــو أن تعجبكـــم كلماتى ولكـــم عاطــر تحيـــاتى
كانت ايـــام حلــوه ــ من ديوان عندما بكــــى القمـــر
ليست هناك تعليقات:
إرسال تعليق