الخميس، 15 نوفمبر 2018

8 . نفسى اشــــــــــــوفك ف المنام



8 . نفسى اشــــــــــــوفك ف المنام
كلمـــــات الفيلسوف الشــــاعر
&&&&&&&&&&&&&&


1
نفسى أشــــــــــــوفك ف المنام
واحشـــــــــــانى قوى يا امه
نفسى اشــــــوفك من زمان
والأه بتجرحنى وهى طالعه
م القلب بتدور على الحنان
كنت لينا الصدر الحنين والأمان
2
نفسى أشــــــــــــوفك ف المنام
نفسى اشوف ضحكتك الصافيه
كما الصبح بيشقــــشق والابتسام
عايز اقولك أنى مطحون فى الرحايا
من طلعة الصبحيه لحد ما نام
بجرى زى الخيل لاجل
لقمة العيش أغمســـها بالحلال
3
نفسى أشــــــــــــوفك ف المنام
نفسى أحكـــي .. ونفسى أشكـــي
نفسى أفضفض لك حاجات كتيره من زمان
كنت دايما تطبطبى وأحس جنبك بالأمان
عايز أقولك أنى فاكرك دايما
وبأدعى ربى يدخلك أعلى الجنان
4
نفسى أشــــــــــــوفك ف المنام
عارف أن ربنا رحيم وغفـــــــــور
عارف ان قبرك هايبقى كله نــــور
عارف أنك فى حال أحسن من حالنا هنا
وأنك فى بهجــــــــــه وســــرور
وحشتينى قوى ونفسى أشــوفك من سنين
5
وفى يوم كده كنت نايم على جنبى اليمين
كنت متوضى وبأقول الاذكار وبأدعـى ربى
جت لى فى المنام قالت لى مالك يابن بطنى
اعمل الخير دايما .. صـــــــوم وصلى
زكى .. وأعمل الصــــــالح تملى
قالت يا أبنى عيش حياتك وأرضى ربك
6
أوعى تعمل الذنب لاجــــــل ربنا
يوســــــــــــع لك فى قــــبرك
اياك والمعاصى والنظره الحرام
وأدعى ربنا كل يوم وكل لحظه
ده الدعى بركـــــــه وهايعلى شأنك
وخلى ذكر الله دايما جوه سرك وفوق لسانك
7
أوعى يابن بطـــــنى تغرك الدنيا
ده متاعها قلـــــــيل ودنيا غروره
واللى عند ربك خــــــــــــــير كتير
وربنا بيجازى الكتير على العمل اليسير
قلت نفسى آجى لك بقه خلاص زهقت
قالت لى كل واحـــــــــد وله أوان
8
أوعى يابنى الخوف يجعلك تيأس من رحمته
ربك غفــــــــــور .. ربك رحــــــــــبم
المهم ترجــــــــــــع بعد الذنب تتوب
ده ربنا يحب اللى قلبه مليان رحمه وقلبه سليم
حب كل الخــــــــــــلق والناس خليك رحيم
حب الكــــــــــــبير والصغير خليك كريم
9
أوعى يانــــــــور عينى يدخل جيبك حرام
قمـــــت بايس أيديــــــها وبايس جبينها
وحسيت معاها بالدفا والحب من غير كلام
ولما رميت نفسى ف حضنها حسيت بالسلام
ولقيتنى صحيت من النوم ليه بس حرام
وهتفت بصوت عالى قولت شفت أمى ف المنام
آه والله ... شفت أمى ف المنام

&&&&&&&&&&&&&&&&&&&
أرجو أن تعجبكــــم كلمــاتى ولكم عاطــــر تحيـــــاتى
نفسى أشــــوفك ف المنام ــ من ديوان اللى فات مات


ليست هناك تعليقات:

16 . أحلم أوعــــــى الحلم يضيع كلمـــــــات الفيلســـــوف الشــــاعر

16 . أحلم أوعــــــى الحلم يضيع كلمـــــــات الفيلســـــوف الشــــاعر &&&&&&&&&&&&&a...