ثـورة اليـاســــــمين ، والاربعــاء الحـــــــــزين ؟
فى يوم الاربـــع المشـــؤم
هجـــم البلطجيـــه علــى المتظاهريـــن
والســـما مطـرت حجـــاره
غير المولوتــوف من نــاس معروفـــين
ومعاهـــم ســيوف وخيــل
وهجــامه كمان بالجمــال والسكاكــــين
شـــباب 25 يناير العــزل
ودسـوا فى وســطهم ظلمه ومأجوريـــن
****** ***** ***** ***** *****
مابين رجال(عيال ) أعمال
زى عـــز وأصحـــابه وكــل الطماعــــين
ومابين " حـبيب " اللى هوه
لا حـــبيب ولاحاجـــه لكن من الملعونـــين
وكمــان عادلـــى رغــم أنه
غير عادل وحســـابه على رب العالمــــين
وقفـوا الولاد بشــجاعه يقولوا
لا ..... للظلم والقهــــر وكل الجاشعـــــين
****** ***** ***** ***** *****
لكــن وقفـــوا التانييـن ليـــهم
بخطه هابله ماتقولـــش خطــة شياطـــين
لكنهم صمدوا ووقفوا برجولـه
وبفضل دعوات كل الشـعب والمطحونــين
لكن البلطجـــيه زرعوا تانى
الشــك فى قلوبنا بفعلتهم ورجعوا خايبـــين
وعملــوا زى الدبــه بغباءهم
اللى قتلت اصحابها . . !!؟ وهم نايمــــين
****** ***** ***** ***** *****
والاصــلاحات ولابد جايـــه
واولهــا محاســبة كل الحمقــى والمجرمـــين
والكرســـى بقى هـش ومليان
مســـامير بعــــد ماكـــان قـــوى ومتـــــين
لان الشــعب شــاف التضحيه
وحلاوتها وها يخـــرج تانى فى المياديـــن
ومش ها يكســل اويغفــــل
لو أحتاج ينفـض التراب على مر السنــــين
****** ***** ***** ***** *****
ليست هناك تعليقات:
إرسال تعليق