ســــــــقـفة ولا
زغروطــــــــه ! ؟
&&& &&& &&&
سقفــة دى ولا زغروطه
لعلعــــــت فى السما عاليه
م الفرحه وهى مبسوطه
بتغنى نشيد حرة يا بلادى
راياتها بترفرف حرية وعداله
والنهضه جايه على ايادى
شبابها واحلى رجاله
&&& &&& &&&
مش مهم أختـــــــــار
مــــــيزان .. ولا حصـــان
المهم أشعر انى بنى آدم
ليه كرامه .. ومش متهان
وجبينى يفضل مرفوع ف السما
عزة وشرف .. متصان
&&& &&& &&&
سمعــت صوت جاى من بعيد
بيكسر الصمت جوايه
بيقول لى صوتك امانه
تعالى اقول لك انت فاكرها
لعبــــــة ولا سهرايه
&&& &&& &&&
سمعت انين بيصرخ
جوه القلب بيقــــــــول آه
آه يابلد على الشـــــهيد
دمه ضاع هـــــدر .. يا ولداه
واللى ضاعت عينه وانصاب
حتى ما لحق يقول الآه
&&& &&& &&&
دم الشهيد اخضر
بلون سنابل الخير
وغيطــان القمح
وكمــــان زى الطير
دم ده ولا حنه يا اولادى
ده دم ولا مســـــك ولا عبير
&&& &&& &&&
بيسألونى .. هاتدى صوتك لمين
رحــــــت قولـت لهــــــــم
صوتى ها اديه للى .. يرجع
حق كل اللى انصاب وكل شهــــــيد
صوتى ها اديه للى .. يهدى مصر
فســتان ابيض وقلــــب جديد
قلب بدل .. اللى السكين دبحه
وهيه مش دريانه وهو سعيد
&&& &&& &&&
ها استخير ربنا
يولى علينا من يصلح
واحد يخاف ربنا
يكون قوى وامين
زى موسى يصلح
ومش من الفراعين
&&& &&& &&&
بادعى ربنا يحفظك لينا
من شر كل معتدى ظـــــالم
عايز يمص دمنا ويجوع اهالينا
ومن كل حاقد عايز
يزرع الخوف والذل يغرسه فينا
ويرجع العتمة من تانى
&&& &&& &&&
مش ها اخاف تانى
من بكره هااقول انا مصرى
ايــوه وكمان هاقولها بالفم المليان
وكمان راجل عصرى
مسلم باحب ترابها
ومية نيلها ف دمى بيجرى
احلــــــــــى م العســــــــل
وحبها ف القلب كبير وبيسرى
&&& &&& &&&
وعجــــــــــبى
ليست هناك تعليقات:
إرسال تعليق