26 . ربــــــــى يســــامحكــم
كلمـــات الفيلســــــوف الشــاعر
&&&&&&&&&&&&&&&&
1
راجل كبير شقيان والرحمه أنعدمت ليه ياناس
ف البرد مريض عريان والكلب يطبطبوا عليه وينباس
قالوا عليل خرفان طيب ليه ينطحن ينداس
قاعد ف بيت خربان م الصاج ومالو أساس
ربى يسامحكـــم ...
2
ليه أمشى أنا حافى والارض مليانه حفر وناموس
أخد لقمتى م الزباله والناس تبصلى بشفقه بوش عبوس
وكرتونه تخبينى من برد الشتا ماتقولش كأنى فانوس
وأحط هلاهيل على جسمى وأتبسم كأنى عروس
ربى يسامحكـــم ...
3
ياساكنين القصور والبيوت طيب أنا نصيبى فين
وياساكنين ف العلالى حاططكو فوق الراس والعين
ويالابسين هدوم القصب سايبينى غارقان ف الطين
ويا كل البشر أنا انسان زيكوا جبتوا الأساوه منينن
ربى يسامحكـــم ...
4
م الصبح حتى المسا بأدعى ربنا ورافع أيدى
وأقول يارب أرزق كل الخلايق ومادد له أنا أيدى
يارب ماهواش حقد ولا حسد لكن مافيش حاجه بأيدى
يعطينى ويعطيكم ربنا ده يبقى يوم سعدى ويوم عيدى
ربى يسامحكـــم ...
5
بأنام فارش أيديه تحت الخدود ومش عايز مراتبكم
وبأمشى لوحدى ف أرض الله ومش مستنى مراكبكم
وربنا الكريم بيرزقنى زى الطير مش ناقصه قساوتكم
كده تتبروا منى عشان فقير غلبان ربى يسامحكـــم
ربى يسامحكـــم ...
ربى يسامحكـــم ...
&&&&&&& &&&&&&& &&&&&&&
أرجــو أن تعجبكـــــم كلمـاتى ولكم عاطـــــــر تحيـــاتى
ربــــى يســـامحكـــم ــ من ديـــــوان نثرت لك حــروفى
ليست هناك تعليقات:
إرسال تعليق