25 .حبيبـــــتى من زمـــــان
كلمــات الفيلســــوف الشـاعر
&&&&&&&&&&&&&&&&
1
أنا كان عندى حبيبه زمان
عيونها بتودينى لبر أمــــان
أبات طول الليل ســــهران
أشكى لكل النجوم والجيران
تخلى الورد يزهر قبل الأوان
2
حبيبتى كانت تعمل شعرها ضفاير
تخلى الدم فى عــــروقى فاير
والعصافير تحوطــــــــها دايرا داير
والسمك ف الميه يبقى حيران وحاير
يحرسها ربى والصبح بيبقى له بشاير
3
حبيبتى تقوم بدرى م الفجريه
أروح صــــاحى ومفنجل عينيه
وأروح حــــاطط أيديها ف أيديه
وأوشــــــــوش أحلى صبيه
يا أجمل شابه دايما حلوه وبهيه
4
حبيبتى خليتنى أنسان جديد
عزيمه وقوه وأراده من حديد
وأحب كل الخــــــــلايق والعبيد
بكره أحلــــــــى صدقنى أكيد
قوم يامصرى مصر اليوم فى عيد
5
حبيبتى مصــــــــر أم الدنيا
شد الحيل ماتضيعــــش ثانيه
أبنى وعمر فيها مش ف حته تانيه
مصر أم البــــــــلاد ومعجبانيه
بلاش كره وعداوه دى الدنيا فانيه
6
حبيبتى روينا ترابها بدم الشهداء
وأنا أبنك والله ولحضــــنك مشتاق
حطو الايد ف الايد قبل مانصبح أشلاء
وأعتصموا بحبل الله بلاش نبقى اجزاء
ده الجهل والفرقه والتعصب هما الاعداء
7
بحبك يا حبيبتى والحــــب عباده
ولو مت برضو بحبك والحب شهاده
ماهو الحــــب ف قلبى أصله بزياده
ومية نيلك زمزم ف عروقى ياساده
مصــــــــر أم الدنيا دايــــــــما ولاده
&&& &&& &&&
أرجـــو أن تعجبكــــــم كلماتى ولكم عاطـــــر تحيـــاتى
حبيبــــتى من زمــــان ــ من ديـوان عندما بكى القمــر
أرجـــو أن تعجبكــــــم كلماتى ولكم عاطـــــر تحيـــاتى
حبيبــــتى من زمــــان ــ من ديـوان عندما بكى القمــر
ليست هناك تعليقات:
إرسال تعليق