26 .بنــــــــت بلــــــــــدى
كلمات الفيلسوف الشاعر
&&&&&&&&&&&
وياسلام عليك يا حلوه
لما تتمشى وقت عصريه
والطـــــــيبة ف الوش
والقلــب كله حـــــنيه
والقصـــــه بتزين جبينك
اما العـــــــــيون عسليه
وخطـــــوتك لما تمشى
كما الفراشات وزى غزال
تخطف قلبى بشكل كبير
ماكــــــان ع البـــال
ولما تضحك يخرج نسيم
يهفهف آه يا جمـــيل
اما ابتسامتك ما احلاها
بتخـــــلى قلبى علـــــيل
واكون رايح على شغلى
الاقينى روحت الدار
وآجى اقلـــــــــع هدومى
الاقينى خرجت ورحت الزار
والاقينى اشرب م القلــــــة
وانا مــــــــش عطشان
ولما اكـــــــــون عطشان
اشرب قهوه واشرب شاى
وآه منك يا بت يا بيضة
يا ام شعــــــــر اصفر
والله لا اروح لابـــوك
اخطبك يوم الخميــــــس
واحط ايدي ف ايديـــك
وابقــــــى عريــــــس
وامشى كده واقعد اتمخطر
والبـــس عبايه صوف
واحـــــــط على كتفى
شـــال أخضـــــــر
وااقول فى عيونك دوله
غناوى وأحــــــــلى كلام
واحكــى لك عن بكره
وانت معـــايا آه يا سلام
وشجرة الياسمين طرحت
عناقيد حب وورد كتير
والمسك اللى على جبينك
ما احــــــــلاه منه بأغير
اما الخصل فوق الراس
اســــود ليل كأنه حرير
والحاجب فــــــوق العين
مرســـــــــوم كأنه هلال
ده انا ليلى يا حلوه
وانت بعـــــيده عنى طال
امتى بقـــــه انول الرضا
وانـــــا شــــــــايلك
جوه العـــــين والنينى
ما هـــــو انا مــــنك
وانت كمــــــــان مــــنى
واسهر معاك طول الليل
والســـهره صـــــباحـى
لاجل بقـــــى يا عين
تتهـــــنى وترتاحـى
والكف فـــــــوق الكف
والايدين بتغزل طرحه حرير
وامسك الناى واغنى لك
احلـــى كلام مواويــــــل
والســــــهرة ما بتحلى
الا معــــاك يا جمـــيل
ويهجــــم علينا الصـــبح
ويلاقوا معانـــــــا الف دليل
انى حبيبك وانك حبيبتى
يا عينـيه يا بنـــــت الـنيل
ده انا شاب جدع مصرى
وانت بنت مصــــــــرية
وياسلام عليك يا حلوه
لما تتمشى وقت عصريه
والطـــــــيبة ف الوش
والقلب كله حـــــنيه
&&&&&&&&&&&
بنــــــــت بلــــــــــدى
كلمات الفيلسوف الشاعر
ليست هناك تعليقات:
إرسال تعليق