33 .يا مصـــر مغــــرم صـــبابا
كلمـــات الفيلســـــــوف الشــاعر
&&&&&&&&&&&&&&&
1
عاشـــق ومغـــرم صـــبابا
يابلدنا يانبع الكرم والحب والطيبه
عاشـــق ومغـــرم صـــبابا
ياشـــابه عفـــيه وأحــلى محبوبه
عاشـــق ومغـــرم صـــبابا
عدد رملك من أول الدلتا لغاية طيبه
احنا عـــتره وأولاد البلـــد
بنعشقك من طابا للسلوم والنوبه
انا فـــلاح شايل فاسى وبأزرع
أو نجار وحداد وعامل فى المصنع
ومهـــندس بأرفـــع البـــنيان
وطـــبيب أداوى جريـــح عيان
تعبـــان قـــوى بيتألــــم بيتـــوجع
2
عاشـــق ومغـــرم صـــبابا
ياحلوه .. يابنوته .. يا شابه
والشمـس بتغزل ليك طـــرحه دهب
يا متحـــنيه بـــدم غـــزال
وانا ماشى فى أرضك وحكايتك معايا عجب
وزهقـــت خـــلاص م الترحال
جـــاى وسبـــحان من وهـــب
ليك ياسمره الدلال البســـى الخلخال
وجنودك دول معنى الفدا ومضرب الامثال
نفـــديك بدمنـــا ونفســـنا وقت نزال
ده أنت رمز العروبه أجيال ورا أجيال
شـــوكه قويه ونصـــر دوم ســـلسال
3
عاشـــق ومغـــرم صـــبابا
يحمـــيك ربنا م الخســـيس
وكل ظالـــم لـــثيم محـــتال
والقمر جاى يخطـــبك عريس
بيتمخطـــر على نيلك كـــله دلال
والبلـــبل بيغـــرد على شجرك
بشـــكل ماهـــوش ع البال
وعمـــرى ماعرفت يا بلدى
شـــىء أســـمه محـــال
والليل فارد دراعـــاته بيدفـــينى
ف حضـــنك يا أم جـــمال
4
عاشـــق ومغـــرم صـــبابا
يا مركـــبه واقفـــه ع الميه
بتتهادى زى العروســــه
فى ســـاعة عصـــريه
ده أنت مرســــى وعلم
وشـــطك كلــــــه حنيه
مدى أيديــــك خـــدينى
ف حضنك يالا يا صبيه
يا معنى الحضاره دى غضبة بلادى قويه
الايد فـــوق الايد وأيـــدنا واحـــده عفيه
يحرسك ربنا م العين ويحفـــظك يا بهيه
5
عاشـــق ومغـــرم صـــبابا
وشعبك وجنـــودك دول حلـــوين
ومــين يقـــدر علـــينا مــين ؟
صعايده من قبلى وشــراقوه طيبين
وأهـــل أســوان والاقصــر وفلاحين
وأسكندرانيه ودمياط ..شبابك دولة زين
ومن كل يمه شرق وغرب ..يملوا العين
صــاحيين للعـــدا ومـــش نايمين
يا مصـر يا أمـى يا أم البـلاد يازين
6
عاشـــق ومغـــرم صـــبابا
آه ياحلوه من حســـادك دوله كتير
والورد على غصـــنك مالوهش نظير
والحمام مغرم صبابا بيحمل غصـــن زيتون
لجلك يابلدى روحـــى ودمـــى كـــله يهون
ونفســى أشــوفك فوق الكـــل ياشابه يابلدنا
وبسمـــتك فوق الشـــفايف قـــوه لأولادنا
والمصـانع تشتــغل ننتـــج هـوه دى عمادنا
عاشـــق ومغـــرم صـــبابا ..
يابلدنا يانبع الكــرم والحــب والطــيبه
ياشــــابه عفــــيه وأحــــلى محـــبوبه
&&& &&& &&&
أرجـــو أن تعجبكـــم كلماتى ولكـــم عاطـــر تحيـــاتى
يا مصــرمغــرم صبــابا ــ من ديوان عندما بكى القمـر
ليست هناك تعليقات:
إرسال تعليق