34 .قال لى شبيــــــــــك لبيك
كلمـــات الفيلســـــــوف الشــاعر
&&&&&&&&&&&&&&&&&
1
حلمت مره ان واحد عفريت
طلع لى من فانوس قد علبة الكبريت
قال لى اطلب يامان شبيك لبيك
قلت خد عندك ده انا ع الجنبين هأسويك
&&& &&& &&&
2
قال لى ده انا عفريت ابن جنيه
اقدر اطير فى الهوا وامشى على الميه
ده انا عفركوش ابن ملك الجان
اطلب وف لمح البصر تشوف البرهان
&&& &&& &&&
3
قلت اوعى تزوغ منى وتعملها حلوانه وسلوانه
عايز عروسه كده وشقه ف كمبوند وشغلانه
واروح شرم ابلبط فى الجاكوزى واطيح
وآكل كفته وبرجر واشرب عصير بطيخ
&&& &&& &&&
4
وآكل رغيف عيش من قمحنا
والبس هدوم قطن طويل التيله من ارضنا
وكمان عايز اعيش من غير طوابير
ومرتب يكفينى لاخر الشهر من غير ما يطير
&&& &&& &&&
5
والجنيه يرجع كمان زى زمان
ومصر مايبقاش فيها ذباله ولا دبان
واه كمان انتخابات من غير تزوير
ولا حرايق قبل الجرد ولاحكومه كلها تبذير
&&& &&& &&&
6
وياسى عفريت ارفع راسى لانى مصرى
والضحكه ترجع تانى وابقى راجل عصرى
واولادى يلاقوا خدمات صحة وتعليم
لان العقل السليم ف الجسم السليم
&&& &&& &&&
7
وعايز حته لحمه كويسه وفرخه بلدى
يومها هادعى لك بجد ويبقى يوم سعدى
والاقى جناين خضراء ومكان حلو جميل
واشرب ميه نضيفه من مية النيل
&&& &&& &&&
8
والاقى يافطة الشرطة ف خدمة الشعب
كفايه بقى ضرب على القفا وبهدله وغلب
وبرلمان بجد مش كله موافقه وتصفيق
وكمان يبقى ف كاس العالم لينا فريق
&&& &&& &&&
9
وكمان عايز حاجات تانيه كتير
بس كفايه احسن الاقيك تبعد عنى تطير
قال انا ممكن ابنى لك هرم رابع
واخلى لك الاسبوع فيه يوم تاسع
&&& &&& &&&
10
وأعملك كمان من الفسيخ شربات
ومن قش الرز حلويات وغزل بنات
لكن طلباتك دى طلبات واحد ملبوس
يالا رجعنى قوام انام تانى ف الفانوس
وعجــــــــــــبى
&&& &&& &&&
أرجـــو أن تعجبكـــم كلماتى ولكـــم عاطــر تحيـــاتى
قال لى شبيـــــــك لبيك ــ من ديوان عندما بكى القمـر
ليست هناك تعليقات:
إرسال تعليق