كلمات الفيلسوف الشـــاعر ـ مجدى عيسى
ارجو ان تعجبكم كلمـاتى ولكم عاطـر تحيـاتى
^^^^^^^^^^^^^^^^^^^^^
عندما رايت طفلتى .. قلت سلى ما بدا لك يازهرتى
قالت بنتى زهــره ...
أحكى يا بـابا يا فنـان
حكاية حب حلــوه ...
حصلت أيـام زمان
وأهم حاجـه النهايــه ...
تكون حلـوه كمـان
فقلت لها صلــى ...
على النــبى العدنان
وما يحلـى عمره الكلام...
الا بذكر الرحمـــن
كان ياروحى ياقلــبى ...
فى سـالف الازمان
شــاب أسمر حليوه ...
جدع ولا كل الجدعــان
وكان اســمه فــارس...
لكن ولا كل الفرســان
بيحــب بنت حلــوه...
أحلى من قمر الزمــان
عيونها واســعه وجميــله...
ومشــيها زى الغرلان
شــعرها أسـود ليــل...
يخلى القلــب حيــران
اما عن لون خـــدودها ...
وردى ولا حب الرمــان
كانت بتصــوم وتصــلى ...
وتقــوم الليــل كمـان
وتدعـى ربها دايمــا...
كان اســمها اسمهـان
راح حبيبها فـارس يخطبها...
وقلبــه بالحــب عمـــران
راح رده أبوهـــا ...
وخــلاه مشـى زعلان
قال لـه انت فقــير...
ده أنت صعــلوك غلبـان
قال جاى تخطب بنتى...
وهيه تســتاهل سلطان
روح دور على اللى زيك...
ده أنت مسكين تعبــان
أنكسـر قلب فارس ...
ومشــى يفكر غضبــان
لكـن الحدوته لسـه ...
فيها مفاجـــأه كمان
أبوها طـــق من عيونه...
شــــرار ولا النيــران
وكمان منعها تخــرج ...
ولا حتى عند الجيــران
ومره فى يوم كان ماشــى...
لوحده جنب الغيطــان
طلع تــلاته عليه ...
ضربــوه ولا التيـران
لكن فارس كان قريب منه...
وكان شجـاع مش جبــان
صرخ باعلى صوتــه ...
وهجم عليهـم فى ثــوان
وضربهم التــلاته ...
وقطــع هدومهــم كمــان
وجريوا من قدامــه ...
مرعوبيــن زى الفــيران
راح شكــره ابوهــا...
وقال يا اشجــع الشجــعان
خلاص موافق انك ...
تتجوز بنتى اســمهان
وتوته ..توته ..توته ..
وأبدا ما يخلص الكــلام
وأنت يا بنتى ياعمرى...
يازهـره ورده وكلك حنــان
وبأدعى ربـــى دايما...
يحفظـك على طول الزمــان
ويبارك فى كل اللى زيــك...
وتبقوا من الحـور الحـسان
^^^^^^^^^^^^^^^^^^^^^^^
أهــــداء خـاص الى ابنتى الغاليـــــــــــة الزهــــــراء
كلمات الفيلسوف الشاعر
ليست هناك تعليقات:
إرسال تعليق