مصــــــــــر يا بـــــــــــــلادى
كلمــــات الفيلسوووف الشــــاعر
&&& &&& &&& &&&
مصر يا حته من قلب كل الناس
طلع الصباح من جبينك ابيض
بلون الفـــــــــل فوق الراس . . .
السواد غار بعيد ومش راجع
احلف بترابك اعمله كحله ووشم
وكمان حنـــــــه احنى بيه الراس
&&& &&& &&& &&&
مصر يا صبيه حلوه وجميله
نظرة عينيك تدفى قلوبنا
شجرة مفرعه واحلى ضليله
نفديكى بدمنا يروى ارضك السمرا
ويطلع الورد والريحان بدل الشوك
ده انا دايب ف حبك دوب يا كحيله
&&& &&& &&& &&&
مصر يا غاليه ياحلوه يابلادى
علمك يرفرف عالى ف السما
علينا وعلى الخلايق كلها ينادى
قوموا يالا بهمه شدوا الحيل
ازرعوا ارضى قمح يا اولادى
وخضروا الارض وكيدوا عزالى
&&& &&& &&& &&&
مصر يا ام الضفاير جدايل
نيلك ده هبه من الرحمن
تمشى المراكب تتمخطر وتتمايل
زى العروسة راكبه على حصان
وهواك بيلف ف القلب وعامل عمايل
يدخل ويخرج مافيش عليه سلطان
&&& &&& &&& &&&
وعجــــــــــــبى. . .
أرجـــو ان تعجبكم كلمـاتى ولكــم عاطـر
تحيــاتى
مصـر يا بـلادى ــ من ديـوان همـــــس الكلمــــات
ليست هناك تعليقات:
إرسال تعليق