7 . هابطل اشترى لحمه وفراخ
كلمـــــات الفيلسوف الشــــاعر
&&&&&&&&&&&&&&
خلاص ها اطلق مراتى ام اعتماد ، عشان وليه مخها طاقق كل يوم تقول لى هات وهات
خلاص هاطلق مراتى ستوته ام العيال ، ده انا طقيت من جنابى وفاض بيه زى الجمال
خلاص مش هاشترى لحمه وفراخ وهابطل حتى الخضار ، وهاكل يوماتى طعميه وقته وخيار
خلاص مش ها اجيب ابدا خالص عيال ، عشان هايقولوا عايزين ناكل ونشرب زى الواد جمال
خلاص مش هاروح القهوه تانى مع الصحاب ، وهاقعد فى البيت ده العيشه بقت زفت وهباب
خلاص مش هاغسل وشى بمايه ولا عمرى شارب ، دى الفاتوره بقت ولعه نار ولا الكهارب
خلاص مش هالبس كوتشى تانى وهامشى حافى وما يهمنيش ،يمكن تبقى موضه زى الشعر الكنيش
خلاص مش هاروح لدكتور مره تانيه او اجيب حبة دوا ،المرتب من تانى يوم بيطير زى العصافير ف الهوا
خلاص مش هاتكلم بعد النهارده كلام كتير ، ولا حتى ها اتنفس اكسجين ولا حتى هاتنفس شهيق او زفير
خلاص هاطلق مراتى الست ام اعتماد آه .. آه يا عينى ، ومن زمان عمال احوش لجل اكمل نص دينى
خلاص يظهر انى اتجنيت بعدما كملت الاربعين ، ولسه ما تجوزتش وفاتت قوام احلى ايامى وسنينى
خلاص ها رفع ايديه على كل ظالم جوعنى بكل فخر ، ورغم الظروف مش هابطل ينادى تحيا .. تحيا.. مصر
&&&&&&&&&&&&&&&&&&&
أرجو أن تعجبكـــم كلماتى ولكم عاطــــر تحيـــــاتى
هابطل اشترى لحمه وفراخ من ديوان اللى فات مات
ليست هناك تعليقات:
إرسال تعليق