حـــــواديت مصـــــريه
حواديت مصريه بتلمنا ،
وجوه الضلوع بتضمنا ،
نسهر ونحكى احلى كلام ،
وعيونا تبقى مش عايزه تنام ،
وتحلى السهرايه ،
قاعدين سوا تحت القمرايه ،
تبص علينا النجوم تضحك وتتكلم ،
والقلب ابيض بلون الصبح يتنسم ،
والضحكه على الشفة ،
ياسلام على الخفة ،
وبنــت بلدى ما احلى ماشيتها ،
ولا رقتهــــــــا
ولا خطوتـــــها ،
ولا خفتـــــــها ،
امااال ..... لو شوفتوها وهى بتملى قلتها ،
تقول ليها عطشان عايز اشرب ياصبيه ،
الميه فى ايديك سكر وكله حنيه ،
ورمش عينيك يا بهيه رمانى ،
واقعدت الوم اهلى وخلانى ،
والعن الفقر والغربه ،
واحن دايما لبلدى وزمانى ،
واكتب على الشجر اول حرف من اسمك ،
وارسم قلب وصابنى فيه سهمك ،
وابكى واضحك ........... ؟
ابكى لما الليل ييجى وانت بعيد ،
والاقى نفسى وحيد ،
واضحك لما اشوف طيفك سحابة صيف ،
الله على ابتسامتك الحلوه
تخش القلب زى السيف ،
وتمشى فيه يمين وشمال ،
والفل والياسمين عليك مال ،
والبلبل بيغرد على غصنك
يقول يا ليـل ،
يقولك ياحلو ميل علينا وميل ،
انا كنت تايه وعرفت عنوانى ،
اسمك مدينتى
وقلبك هوه عنوانى ،
وخلاص اتعودت انى اتــــــوه ،
وايه يعنى مانا ماشى فى عروقك ،
والضله موجوده فى جفونك ،
والرمش بيغطينى اخر الليل ،
انام وانسى ان قلبى عليل ،
خلاص عرفت ولا اقول تانى ،
ما احلى الحكاوى معاك يا زمانى ،
مانا قلت حواديت مصريه بتلمنا ،
وجوه الضلوع بتضمنا
وعجـــــبى ـ الفيلسوف الشاعر
ليست هناك تعليقات:
إرسال تعليق