الله على حــنيتك يا أمى
&&&&&
والله وحشتنى
ضحكتك يا امـــــه
وكمان الحنان والدفــا
... والفرحــــه واللمــه
كنتى بتعرفى لما اكون زعلان
وتطبطبى على كتفى
&&&&&
ولما اكون فرحان
تضمينى ضمه بتدفــى
باحــــس فيها
انى ماشى فى عروقك
وباتمخطــر
كده زى النبات الاخضــر
&&&&&
واعــوج الطاقيــه
على راسى
وامشــى واتغندر
وضحكتــك سكـــر
اما ابتسامتك شهـــد متكـــرر
اما القلب قماش ابيض
مافيهوش كــــره
وعمرة ما اتعكـــر
&&&&&
ولا اللســان
تبارك الرحمــن
لا يقول الا ذكــر الله
وما شــاء الله
وسبحان الله
حامد لربه وبيشكـــر
وعمرة ما غضب
ولا اتذمـــر
&&&&&
تدعــى لنا فى كل صـــلاة
بالصلاح والحب
وتقولى يا اولادى
خلوا القلب على القلب
والرحمه حلوة
حتى الطير فى السما بيحب
&&&&&
ويدعى ربه ويسبحه فى علاه
والدود جــوه الارض
عمره ما بينســاه
والوحوش ترفع ضافرها
رحمة وشفقه على صغيرها
يا ولــداه ...؟
&&&&&
كانت تقولنا الدنيا دى فانيه
وكلام فى الحب وحاجات كتير تانيه
ومايبقى الا الكلمة الطيبة شجــرة
تكبر واجرها يوم القيامة كبير
والحسنه بعشرة
ربنا اصــله كبير
حتى الشوكــة
تشوكه وياخد عليها اجر كبير
&&&&&
وحبوا بعض يا ولادى
وحبوا ارضى وبلادى
وحبوا ترابها ده عنبر
واتكحلوا بيه
وزرعها الاخضر
&&&&&
وسنابل القمح تتمايل
والصبر بنغزله
حبال وجدايل
والقطن بيرقص
كمان من الفرحة
وخضراء شايله لجوزها
الاكل فى الطرحه
&&&&&
يحط فى بقها اللقمه
وهوه مش سايعاه
الدنيا من الفرحه
يا خضراء يا ام عيالى
ياطيبه يا حنينه
يا حاسه بيه وبحالى
وياسلام ...
&&&&&
على ضحكتك يا امـــــه
والله واحشتنى
القاعده واللمــه
&&&&&
وعجـــــبى ـ الفيلسوف الشاعر
ليست هناك تعليقات:
إرسال تعليق